Домашна чоколадна алва
Состојки
- 1 филџан за кафе вода
- 2 филџана масло
- 6 филџана брашно
- 6 филџана шеќер
- 1 филџан какао
- по желба ореви, брусница, суво гројзе...
Подготовка
Во подлабок сад ставете го маслото, водата и шеќерот и потоа оставете ги да се варат.
Брашното измешајте го со чоколадото во прав, или какаото. Кога шеќерот ќе се стопи и смесата ќе зоврие, додадете го брашното со какаото и полека мешајте. Мешајте неколку минути додека смесата не се изедначи. Додадете ги оревите, или пак останатото јаткасто овошје и тргнете ја смесата од оган.
Кога малку ќе се излади, алвата исечете ја на коцки. Декорирањето го оставаме на вашата фантазија. Пријатен апетит.