Испечати

Малиџано со зелени пиперки

Малиџано со зелени пиперки

Состојки

  • 15 кгр. зелен пипер за ајвар
  • 5 броја средни по големина модри патлиџани
  • 750 мл. масло
  • 50 гр. шеќер
  • 2 лажици сенф
  • 20-30 мл. вински оцет
  • на вкус сол

Подготовка

- Пиперот се пече, лупи и чисти од семките.
- Модриот патлиџан се пече и лупи.
- На оган во тавата во која ќе се пржи се става пиперот и модриот патлиџан и семеша постојано се додека испари течноста, по што се додава маслото, оцетот, шеќерот и солта. Се пржи постојано мешајки го. Пред самиот крај на пржењето додадете го сенфот, нека се заедно пржи уште 10 мин. ,односно ќе препознаете дека е веке готов кога е доволно густ и на лажицата почнува да се лепи - тргнете и соберете во тегли.
Добро завиткајте ги и покријте до наредниот ден, теглите свртени со капачките надолу.
Напомена
- Пиперот е од сортите за ајвар - само зелен.
- Печениот пипер не го цедам (се цеди онолку време колку што трае самото лупење) а не го ниту мелам. Додека се вари тој самиот се раскинува.Постапувам исто како кога го правам цепканиот ајвар за кој имам овде рецепт. Доколку сакате можете да сомелете и пиперот и патлиџанот.
- Модриот патлиџан само го насецкам по должина и го ставам кај пиперот.
- Осолете по ваш вкус.
- Ова е основниот рецепт, а доколку сакате пикантно - намалете од пиперот онолку колку што сакате да ставите лут пипер. Ние сакаме луто, затоа никогаш не го правам само со благ пипер.
Бојата не е примамлива, но затоа пак е вкусен.