Браунис со тиквички (посно, веган)
Состојки
- 2 чаши брашно
- 1 и ½ чаша шеќер
- ½ чаша какао
- ½ чаша масло
- 2 чаши рендани тиквички
- 1 и ½ лажичка сода бикарбона
- 2 лажички екстракт од ванила
- прстофат сол
Подготовка
Инетресен колач со оглед на составот, ама да ви кажам дека тиквичката воопшто не се чувствува, така да слободно пробајте го, нам ни се допадна.
Подготовка
Тиквичката ја лупиме и ја рендаме. Ја оставаме кратко да постои, па ја цедиме од течноста што ја содржи. Ги ставаме сувите состојки и ги промешуваме, па ги ставаме течните. Мешаме со лажица да ни се соедини смесата. Ја распоредуваме во тавче и ја печеме во загреана рерна на 180 степени околу 25-30 минути.
Забелешка
Пробајте со чепкалка дали ви е печен колачот, ако е сува печен е. Ориентационо го пишав времето на печење, зошто пак секоја рерна различно пече. Го печев во силиконски калап кој само го намрсив, ако печете во обично тавче и набрашнете го за да не ви се залепи. За овој колач потрошив една тиквичка, со тоа што 1 и ½ чаша рендана тиквичка ја цедев, а ½ чаша ја ставив во смесата нецедена, само рендана (некако ми беше сува смесата). Добив една мала сугестија од сопругот, дека сум можела и рум да ставам во колачов, па имајте го и тоа во предвид ако го сакате вкусот на румот.