Ладен сендвич со јајце на око
Состојки
- 3 парчиња тост леб
- 2 лажици кајмак
- 2 листа зелена салатка
- 4 листа тост шунка
- 1 помал домат
- 1 парче свежа краставица
- 1 јајце
Подготовка
Сите три парчиња тост леб премачкајте ги со кајмакот. Средното и од двете страни.
Во чинија ставете го првото и врз премачканата страна ставете еден лист салатка.
Врз неа е круг тенко сечен домат и 4 круга (овали) сечена краставица.
Врз сето тоа ставете 2 парчиња тост шунка свиткани на половина.
Поклопете со второто парче и повторете ја постапката.
На многу малку загреано масло во тефлонска тава ставете го јајцето и испржете го „на око“.
Ставете го врз третото парче тост леб премачкано со кајмак.
Украсете или сечете го на парчиња по желба и послужете.