Штрудла со путер, јаболка и ореви
Состојки
- 500 гр кори за пита
- 200 гр путер
- Фил
- 800 гр јаболка
- сок од 1/4 лимон
- 1 кесичка ванилин шеќер
- 1 лажичка цимет
- 3 лажици кристал шеќер
- 200 гр толчени ореви
- 100 гр мелени бисквити
- за наросување
- 1 кесичка ванилин шеќер
- 100 гр шеќер во прав
Подготовка
Има многу рецепти за подготовка на штрудла со јаболка и сите се убави на свој начин, меѓутоа јас долго време штрудлата ја подготвувам на мој начин и топло ви препорачувам да пробате и да се уверите дека едноставно путерот си го прави своето.
Фил
Јаболката ги рендаме на крупната страна од рендето. Ги додаваме ванилиниот и кристал шеќерот и циметот. Убаво мешаме.
Додаваме крупно толчени ореви и мелени бисквити. Филот е готов.
Путерот го топиме на тивок оган.
Земаме една кора и со четка ја премчкуваме со путер. Ставаме втора кора и ја премачкуваме со путер. Обилно нанесуваме од филот и виткаме ролна.
Постапката ја повторуваме со останатите кори.
Ролните ги редиме во плех покриен со пек хартија. Ги сечеме на парчиња кои ни одговараат.
Ролните ги полеваме со останатиот путер и ги наросуваме со ванилин шеќер.
Печеме во загреана рерна на 190 степени околу половина час (односно додека ролните почнат да зацрвенуваат)
Оставаме да се олади, наросуваме со шеќер во прав и уживаме!