Пачавуре - Албански десерт
Состојки
- 500 гр тенки кори
- 6 јајца
- малку путер за премачкување на плехот
- 1 шоља шеќер
- 1 шоља кисело млеко
- 1 шоља масло (не полна до врв)
- 1 прашок за пециво
- 4 големи лажици густин
- рендана кора од два протокали
- Шербет
- 2 шољи свежо исцеден сок од портокал
- 1 шоља вода
- 600-700гр шеќер
- Дополнително
- 100 гр мелени ореви
- 3-4 цели портокали
Подготовка
Прво двата портокaли ги ставаме во сад со вида во која сме додале сода бикарбона. По 30 минути портокалите ги миеме и кората ја рендаме. Оставаме на страна.
Плехот од рерна го премачкуваме со путер. На дното ставаме една цела кора како подлога. Секоја следна кора ја виткаме нежно како ружичка. Јас добив три реда по пет ружички.
Во сад ги соединуваме јајцата и шеќерот. Додаваме масло, кисело млеко, кората од портокал и густин.
Оваа смеса ја нанесуваме рамномерно низ плехот. Ја протресуваме тавата за да може смесата убаво да навлезе во корите. Наросуваме мелени ореви.
Се пече во загреана рерна на 189, степени 35-40 минути во зависност од рерната.
Ќе забележите дека е печено по рабовите, ќе се одовојуваат од плехот. Оставаме да се олади, а во тоа време го приготвуваме шербетот.
Во сад го ставаме сокот од портокал, водата, шеќерот и вариме 6-8 минути на тивко.
Оладениот десерт го сечеме на коцки и го прелеваме со шербетот.
Оставете да одстои 2-3 часа пред послужување.
Шољата е 250мл.