Пирошки од палачинки со кашкавал и пеперона салама
Состојки
- 10 палачинки
- За фил
- 200 гр салама пеперона
- 300 гр кашкавал гауда
- За валкање
- 1-2 јајца
- 100 гр лебни трошки
- 1 лажица црвен пипер
- 1 лажица мешан сув зачин
Подготовка
Подготовка
Палачинките подгответе ги по сопствен рецепт или со 2 јајцa, 500 мл млеко,12-13 лажици брашно, 2-3 лажици масло и прстофат сол. Густината ќе си ја дотерате сами, со повеќе или помалку брашно. Ги пржиме во загреано намаслено тавче. На секоја палачинка ставаме 2-3 тенки парчиња салама пеперона и парче кашкавал. Ги затвораме. Ги валкаме во разматено јајце и во сува смеса составена од лебни трошки, црвен пипер и мешан сув зачин. Ги пржиме во тава во која имаме масло додека да ни поцрвенат.
Забелешка
Доколку сакате може да ги подготвите и пикантни, да додадете чили во смесата за валкање.