Печено мисиркино месо со мешан зеленчук
![Печено мисиркино месо со мешан зеленчук](https://moirecepti.mk/content/uploads/2017/12/DSC_0852_glavna-813c18-300x300.jpg)
Подготовка
Месото подгответе го еден ден однапред. Внимателно, со остар нож отстранете ја коската од месото. Ставете го во поголема кеса за замрзнување, додадете го кромидот и лукот крупно исечкани, гранчињата мајчина душица и налејте го сокот од јаболка.
Затворете ја добро кесата и ставете ја во фрижидер преку ноќ.
Наредниот ден извадете го месото од фрижидер и убаво исушете го со кујнска хартија.
Рерната загрејте ја на 200степени.
Заролајте го месото во ролна и врзете го со кујнски конец. Посолете и набиберете. Зејтинот измешајте го со црвениот пипе и со таа смеса премачкајте го месото од двете страни.
Ставете да се пече 1ч и 30 мин. За време на печењето превртете го месото и од другата страна да се испече.
Откако ќе се испече оставете малку да се олади, одстранете го конецот и сечете парчиња.