Бурито со телешко мелено месо
Состојки
- 400гр телешко мелено месо
- 1 главица кромид
- 1 лажица доматно пире
- 1 мала конзерва црвен грав
- на вкус сол, бибер
- на вкус чили или лут буковец
- 200гр рендан кашкавал гауда
- 1/2 глава ајсберг салата или марула
- 2-3 домати
- 8-10 готови тортиљи
Подготовка
Салатата исечкајте ја на ленти, на доматот извадете му ја срцевината и исечкајте го на коцки. Кромидот исечкајте го ситно и ставете го да се пржи. Кога ќе зацрвени, додадете го меленото месо и со лажица убаво иситнете го. Додадете го доматното пире, убаво измешајте, ставете го гравот претходно исцеден, насолете и набиберете на вкус. Оставете уште 2-3 минути да се пржи, по желба ставете чили или лут биковец.
Во сува тава со капак, ставете една тортиља и на средна температура 30 сек. затоплете ја од едната страна. Превртете ја од другата страна, на средина ставете од кашкавалот, поклопето со капак и оставете така да се загрева додека се стопи кашкавалот. Извадете од тава, врз кашкавалот наредете од месото, следува салата па сечканите домати. Завиткајте во ролат и замотајте цврсто со фолија да отстојат додека ги спремате останатите буритоси.
Послужете со сенаменскиот крем - американски кисел крем (Sour cream - Steakhouse Style), одлична комбинација се.