Испечати

Чоколадни срциња ишлери (без печење)

Чоколадни срциња ишлери (без печење)

Состојки

  • 200 г Винчини бисквити
  • 200 г Мелени лешници
  • 3-4 лажички Винчини какао крем
  • Прстофат Зачин за медењаци
  • Околу 70 мл Сок од цеден портокал
  • 100 г Чоколадо за готвење

Подготовка

Превкусни, лични, љубовни! Идеален десерт за да го поделите со вашиот партнер, се прават многу бргу, а уште побргу се јадат.

Сомелете ги бисквитите и лешниците, додадете го кремот и зачинот и замесете тесто со сокот од портокал. Тестото не треба да е меко, туку да е компактно како кога правите бомбици.
Расплескајте го тестото на работната површина и со калапче вадете форми.
Растопете го чоколадото и премачкајте го секој втор дел со чоколадо и залепете ги со немачканите. Кратко ставете ги во замрзнувачот и потоа премачкајте ги одозора со растопено чоколадо и декорирајте по желба.
Оставете ги убаво да се оладат во фрижидер и потоа уживајте во нив со саканите.
На здравје.