Торта со вкус на портокал и карамелизиран шеќер (без печење)
Состојки
- 12 парчиња двопек
- За карамел прелив
- 1,5 чаша шеќер
- 1,5 чаша вода
- За бел ванила крем
- 1 чаша шеќер
- 2 лажици брашно
- 3 лажици нишесте
- 1 литар млеко
- 1 ампула ванила во прав
- 1 лажица маргарин
- За портокал слој
- 2,5 лажици шеќер
- 2 лажици нишесте
- 2 чаши сок од портокал
- чаша = 180 мл
Подготовка
Во суво тенџерче се става шеќерот и се загрева додека се карамелизира.
Се налева водата, која можи да е млака и на средна температура се вари 10 минути додека се стопи карамелот со водата.
Во коцкест сад чии страници треба да се точно до наредениот двопек, редиме двопек 3х4 и го полеваме со кутлача насекаде со жешката карамелизирана шеќерна вода.
Во дел од млекото се става малку од шеќерот и нишестето и се меша да се соедини, а остатокот шеќер и млеко се загреваат, па се додава раствореното нишесте и се вари крем.
Кога кремот е готов, се додава ванилата и маргаринот и убаво се меша до соединување.
Кремот ќе ви изгледа малку потечен од вообичаено, но во ред е. Само полнете ги лажиците со брашно и нишесте убаво.
Врелиот крем го истураме врз прелиениот двопек и оставаме да фати кора додека го спремаме портокал слојот.
Во тенџерче ги мешаме сите состојки за портокал слојот и вариме додека фати густина.
Истураме врз кремот и рамниме.
Оставаме тортата да се стегни на ладно час до два па ја сечиме на коцки и украсуваме по желба.
Овде одлично би се вклопиле парчиња портокал, но јас ете изумив да ги ставам иако уште во старт тоа ми беше во намера.
Исто така, жалам што цела не е сликана, па јас јадев уште пред да стигнам да сликам од неа и тоа солидно се насркав. Одлична е, пробајте ја, па се надевам ќе ме разберите за слабоста : )