Колач со портокал и чоколадо
Состојки
- Тесто
- 1 поголем портокал
- 180 г шеќер
- 3 големи јајца
- 100 мл масло
- 100 мл јогурт
- 250 г брашно
- 1 пакетче прашок за пециво
- прстофат сол
- Сируп
- 100 мл вода
- 50 г шеќер
- 1 портокал исечкан на кругови
- Глазура
- 120 г темно чоколадо
- 250 мл хопла
Подготовка
Лесна сочна торта со прекрасен микс на вкусови на чоколадо и портокал. Препорачливо е портокалите претходно убаво да ги измиете и да ги оставите да отстојат во вода со сода бикарбона.
Подготовка
Загрејте ја рерната на 180 ° С. Покријте го дното на помала тава за печење со хартија за печење и подмачкајте ги страните со путер.
Ставете го исецканиот портокал (нелупен, заедно со кората) во блендер и добро измиксирајте го.
Потоа изматете ги шеќерот и јајцата во сад за мешање, додадете го блендираниот портокал, маслото и јогуртот и кратко измешајте
Потоа, додадете ги брашното и прашокот за пециво и трошка сол и измешајте со дрвена лажица додека не се комбинираат состојките.
Истурете ја оваа смеса во тавата за печење, израмнете и печете 35-40 минути на 180 ° Ц. (Времето зависи од рерната.)
Откако ќе се испече, оставете го да се олади, а вие припремете го сирупот, ставете ги да се варат водата и шеќерот 10тина минути, додадете ги тркалцата портокал и оставете да поварат заедно колку портокалот да го испушти сокот и потоа прелејте го колачот со сирупот.
Направете ја глазурата со загревање на хоплата и чоколадото до растопување и прелејте ја врз колачот. Декорирајте со кришките портокал.
На здравје
Напомена- можете колачот да го поделите на 2 дела по хоризонтала и да нанесите фил по желба и ќе добиете вкусна мала торта.