Ванилици со лимон
Состојки
- 2 јајца
- прстофат сол
- 200 гр. шеќер
- 3 пакувања ванилин шеќер
- од 1 лимон - сокот
- 500 гр. омекнат маргарин - отстоен на собна температура
- 200 гр. сецкани оревчиња
- од 1 лимон рендана кора
- 1/2 пециво
- 1 кг. просеано бело брашно
- Уште е потребно
- по потреба шеќер во прав за валкање
Подготовка
Јајцата се матат со прстофат сол, па се додава шеќерот, (во прав ако користите уште подобро) и ванилите, додека се растопи шеќерот, па се додава сок од 1 лимон, омекнатиот маргарин, се’ се мати со миксер, па се додаваат сецканите оревчиња, рендана кора од 1 лимон, пецивото и брашното и се меси со рака.
Треба да се добие меко тесто. Се витка во фолија и во фрижидер да отстои 1 час.
Потоа се вадат форми.
Се печат во загреана рерна на 150 степени од 30-40 мин., зависно од нивната дебелина. Одозгора треба да останат бели, а одоздола убаво да поруменат.
Топли се валкаат во шеќер во прав.
На здравје!