Колач со банана и морков
Состојки
- 2 јајца
- 3-4 лажици шеќер
- 60гр растопен путер
- 2 лажици млеко
- 2 лажици кисело млеко
- 1 средно голема банана
- 1 морков
- 200гр брашно
- 1 лажиче пециво
- 1/4 лажиче сода бикарбона
- некое зрно сол
Подготовка
Во вангличка ги ставаме јајцата, солтa и шеќерот и матиме додека не побелат.
Со исклучен миксер и со лесни движења на шпатула ги додаваме растопениот и изладен путер, киселото млеко и благото млеко.
Ги додаваме ренданиот морков, пасираната банана, пецивото, сода бикарбона и брашното.
Убаво соединуваме.
Смесата ја истураме во долгнавест калап кој е обложен со хартија за печење.
Печиме околу 30 минути на 180 с.
Сепак со чепкалака проверуваме дали колачот е печен.
Го оставаме испечениот колач на решетка да се излади, па сечеме на парчиња и послужуваме.