Млечни кифли
Состојки
- 800 гр брашно
- 500 мл млеко
- 12 лажици зејтин
- 3 лажици шеќер
- 1 лажичка сол
- 1 и 1/2 коцка квасец
- За премачкување на кифлите жолчка и сусам
Подготовка
Млечни, меки, едноставни и вкусни кифли.
Од сите состојки замесуваме тесто и го оставаме да стаса. Од ова тесто правиме 32 топчиња и од секое топче правиме кифла или форма по желба(имате идеја за форма во дополнителните фотографии). Се редат во делимано тава, се премачкуваат со жолчка, се посипуваат со сусам.
Се печат во загреана рерна на 180 степени околу 20 минути додека да заруменат.