Испечати

Чоколадни суви колачиња

Чоколадни суви колачиња

Состојки

  • 1 ванила
  • За тесто
  • 100 гр. темно чоколадо за готвење
  • 2 јајца
  • 200 гр. шеќер - јас ставив кристал, но во прав е подобро
  • 1 ванила
  • 125 гр. омекнат маргарин
  • 1/2 пециво
  • 450-500 гр. оштро брашно
  • За фил
  • 100 мл. млеко
  • 3 лажици шеќер во прав
  • 150 гр. мелени ореви
  • 120 гр. маргарин
  • малку рум - по желба
  • За глазура
  • 100 гр. црно чоколадо и 3 лажици масло
  • 100 гр. бело чоколадо и 1 лажица масло

Подготовка

Чоколадото се топи и се лади, да биде млако, уште течно.
Јајцата се матат со шеќерот и ванилата, додека шеќерот се стопи. Потоа се додава чоколадото, омекнатиот маргарин, убаво се мати и на крај брашното помешано со 1/2 пециво. Брашното се додава постепено, тестото треба да е меко.

Се завиткува во стреч фолија и се става во фрижидер на час-два.

На набрашнета подлога се отвора кора и се вадат тркалезни форми, да бидат во парен број. Се печат на 180-10 мин., во загреана рерна.Кога ќе оладат се филоваат.

Па се потопуваат со горниот дел во глазурата.
Чоколадото се топи со 3 лажици масло. На страна во друг сад се топи 100 гр.бело чоколадо со 1 лажица масло.

Од белото се става над црното и тогаш се макнуваат.

За филот
Млекото се зоврива со шеќерот во прав.
Се истура врз мелените ореви. Се лади, во млако се додава изматениот маргарин и малку рум.

На здравје!
п.с. Се чуваат во лимена кутија затворени со капак, откако ќе се здрви убаво глазурата.