Испечати

Чоко-банана торта со мармалад од кајсии (посно)

Чоко-банана торта со мармалад од кајсии (посно)

Состојки

  • 100 гр чоколада за готвење
  • 150 гр кафеав шеќер
  • 300 гр брашно
  • 1 лажица какао
  • 1 мала (150 гр) банана
  • 350 мл млеко од ориз
  • 80 мл масло
  • 1 ванилен шеќер или арома од портокал,лимон или рум
  • 1 (10-12гр) прашак за пециво
  • За одозгора
  • 4-5 лажици мармалад од кајсии
  • 80 гр чоколада за готвење
  • 1 лажица маргарин или масло
  • 2 лажици млеко од ориз
  • За декорација
  • по потреба суво грозје, брусница и шарени шеќерни трошки

Подготовка

Чоколадата стопете ја над пареа и оставете ја да олади (да биде млака).
Во еден сад со вилушка изгмечете ја бананата со шеќерот во кашеста смеса. Потоа додајте ги сувите состојки - какаото, ванилата и брашното. Измешајте ги.
Додајте го и маслото. Млекото од ориз постепено додавајте го и мешајте да се изедначи смесата, да нема грутчина.
На крај додајте ја стопената чоколада и пецивото и повторно измешајте ја целосно да се изедначи.
Смесата туретеја во тава намачкана со масло и посипана со брашно тава бр.26.
Печете во загреана рерна на 180 степени околу 30-35 мин. Потоа оставете ја во исклучена рерна уште 10-ина минути.
Извадете ја од рерна и одма премачкајте ја со мармалад од кајсии. Оставете да олади и мармаладот да се зацврсти. Потоа на пареа стопете ја чоколада со маргаринот и млекото и прелијте ја тортата. Над чоколадата наредите суво грозје, брусница и шарени шеќерни трошки. Оставете да се стегне чоколадата.