Чорба од бел и црн телешки џигер
Состојки
- 500 гр. црн телешки џигер
- 500 гр. бел телешки џигер
- 30-40 гр. фиде
- 1 коцка за телешки бујон
- по вкус зачини - сол, мешан сув зеленчук, мелен црн пипер,2-3 ловорови ливчиња
- 1-2 лажици брашно
- по потреба масло
Подготовка
Се зовриваат парчињата џигер, се фрла таа вода и потоа се варат со чиста вода. Штом зовријат се додава сол.
Кога се варени, се сецкаат на коцки и пак се враќаат во тенџерето со вода.
Во водата се додава и коцката за бујон.
Се додава фидето и се продолжува со варење додека тоа е готово.
Потоа се прави тенка бела запршка. На плитка мрснотија се пропржува брашното додека убаво порумени и се излева во чорбата.
Се зачинува, нека прокрчка и готова е.
На здравје!
п.с. Се послужува со киселина (оцет), а за љубителите на љуто со дробено, претходно потпечено, црвено љуто пиперче...