Солен Божиќен ролат
Состојки
- 4 јајца
- 1 лажиче сол
- 6-7 лажици брашно
- 1 лажиче пециво
- 1/4 лажиче мелен бибер
- 90 мл масло
- 200 мл јогурт
- 400 гр спанаќ
- Фил
- 1 кисела павлака, со висок процент на масленост
- 100 гр пилешки гради
- 4 тенки, мали виршли
- сол, бибер, сенф
- Декорација
- 1 кисела павлака
- 50 гр ситно рендан кашкавал
- 3-5 шери домати
Подготовка
Предлог за свечен солен ролат, кој ќе ја збогати празничната трпеза.
Прво исчистениот спанаќ го ставаме во малку врела вода, да омекни или го бланшираме само неколку секунди.
Го процедуваме и оставаме да се подизлади.
Потоа во нутрибулет, во садот го ставаме маслото и исцедениот спанаќ.
Кратко соединуваме, односно ќе добиеме убава мазна смеса.
Оставаме настрана.
Во вангличка ги ставамаме јајцата и додаваме сол.
Матиме се додека не побелат.
Со исклучен миксер ги додаваме јогуртот, биберот, измиксаната смеса, брашното и пецивото.
Со лесни движења со шпатула убаво ја изедначуваме смесата.
Ја истураме во правоаголен плех од рерната кој е обложен со хартија за печење.
Печиме во загреана рерна на 200С околу 25 минути.
Оставаме во плехот 5 минути, а потоа го вадиме и ја отстрануваме хартијата.
Во еден сад ги соединуваме киселата павлака, сецканата шунка, малку сол, бибер, сенф.
Со ова ја премачкуваме кората.
На почетокот ставаме 4 виршлички и завиткуваме цврсто ролат.
Го оставаме на ладно 2 часа.
Потоа го премачкуваме со кисела павлака, рендаме кашкавал.
Декорираме со шери домати.
Сечеме парчиња и сервираме.