Канелони со спанаќ и тиквичка
Состојки
- 16 канелони
- 400 гр спанаќ
- 1 тиквичка
- 400 гр кравјо сирење
- 2 јајца
- 500 мл павлака за готвење
- Потребно е уште зејтин, сол и оригано
Подготовка
Прво на зејтин го запржуваме исчистениот спанаќ. Потоа на коцки исечената тиквичка ја додаваме на спанаќот. Додаваме околу 100 милилитри вода и и малку сол и оставаме ова да се издинста додека не испари целата течност.
Откако ова ќе олади се додава изренданото сирење и 2 јајца изматени. Се заедно се меша. Со ова ги полниме канелоните, кои не треба да се варени.
Полнетите канелони ги редиме во подмачкан плех со зејтин. Врз нив ја полеваме павлаката за готвење, наросуваме со оригано и печеме на 200 степени додека да зарумени, а тое е околу 25 минути.