Миризлива проја со домати
Состојки
- 2 јајца
- 1 лажичка сол
- 1 чаша интегрално брашно
- 1 чаша пченкарно брашно
- 1 лажичка оригано
- 1/2 лажичка мајчина душичка
- 1/2 лажичка босилок
- 1 лажичка лук во прав
- 2 домати
- 1 пециво
- 4 лажици маслинов зејтин
- 1 чаша кисела вода
- Лен за посипување врз пројата
Подготовка
Прво се лупат 2 домати, се сецкаат на ситно и со малку кисела вода (2 лажици) се блендираат со рачен миксер.
Се матат 2 јајца и 1 лажичка сол. Кон нив се додават измиксираните домати и 1 чаша кисела вода. Се меша со дрвена лажица. Се додава маслиновиот зејтин и двата вида брашно измешани со пецивото и зачините.
Смесата се истура во подмачкан плех со масло и брашно. Се поросува со лен и се пече на 200 степени 25 минути.
Чашите со кои мериме се од 250 милилитри.