Колач со банани, чоколадо и ореви (без печење)
Состојки
- 125 гр путер
- 300 гр засладено кондензирано млеко
- 200 гр бисквити
- 200 гр ореви
- 200 гр желе бонбони
- 50гр бело чоколадо
- 50гр црно чоколадо
- 1-2 банани
- дополнително ореви за декорација
Подготовка
На изглед многу сличен на ролат кој го објавив пред некое време, ама на вкус и по состојки сосема различен. Кога ќе почневме да се блажаме со него не можевме да престанаме да го јадeме...Е па бидејќи е сезона на ореви, може да си го подготвите, не одзема многу време...
Подготовка
1. Путерот пенасто го матиме и додаваме засладено кондензирано млеко, матиме да се соединат.
2. Кон оваа смеса додаваме мелени бисквити, мелени ореви, ренданите чоколади и сечканите желе бонбони.
3. Половина од соединетата смеса ја распоредуваме во калап обложен со најлонска фолија.
4. Во средината ставаме излупена банана која ја покриваме со остатокот од смесата.
5. Покриваме со фолијата, измазнуваме и го ставаме калапот во фрижидер да се соединат вкусовите и да се стегнеколачот.
Забелешка
Ако калапот е силиконски, нема потреба од ставање најлонска фолија.