Кетини орев штангли
Состојки
- тесто
- 1 јајце
- 170гр брашно
- 1/2 лажиче пециво
- 80гр шеќер
- 1 ванила
- 60гр путер
- 1 лажица млеко
- останато
- 3 лажици мармалад од кајсии
- орев фил
- 300гр орев сецкан по должина
- 2 лажици слатка павлака
- 80гр кафен шеќер
- 160гр путер
- 2 лажици мед
- 1/4 лажиче сол
- декорација
- 50гр црно чоколадо
- 1 лажица масло
Подготовка
Штангли кои пленат со својот вкус и изглед.
Пробајте ги
Во вангличка ги ставме сите состојки за тестото.
Замесуваме мазно, нелепливо тесто, кое го завиткуваме во проѕирна фолија и го оставаме во фрижидер додека го подготвуваме филот.
Во касерола ставаме слатка павлака, шеќер, мед, путер и сол.
Оставаме на тивок оган да се соединат.
Го додаваме и сецканиот орев и убаво соединуваме.
Тестото го развлекуваме во правоаголна тава.
Го премачкуваме со мармалад од кајсии.
Врз него го нанесуваме веќе подизладениот фил.
Израмнуваме.
Плехот го ставаме во загреана рерна на 180 с и печиме околу 25 минути, односно додека краевите не заруменат.
Го оставаме плехот потполно да се олади колачот.
Сечеме на штангли.
Попрскуваме со растопено црно чоколадо.