Интегрални крекери со сусам
Состојки
- 200 гр интегрално брашно
- 3 лажици сусам
- 2 лажици ким
- 3 лажици ленено семе(мелено)
- 70 гр путер
- 100 мл вода
- 1/2 лажичка сол
Подготовка
Солени, вкусни, ароматични крекери кои се подготвуваат за миг.
Рерната загрејте ја на 200 степени, а плехот обложете го со хартија за печење.
Од сите состојки се замесува тврдо тесто.
На набрашнета подлога развлечете го тестото во кора од прилика со дебелина од 5 мм.
Исечете облици какви сакате-правоаголни како моите или со модла по ваш избор.
Крекерите се печат околу 15 минути.
Добар апетит!