Лиснати полжавчиња со боровинки (посно)
Состојки
- 275гр. посно лиснато тесто
- 3 полни лажици интегрален кокосов шеќер
- 120гр. свежи боровинки
- За посипување
- по потреба шеќер во прав
Подготовка
Иако составот е едноставен, за љубителите на боровинки ова е вистинско уживање.
Лиснатото тесто посипете го со кокосовиот шеќер.
Наредете ги одозгора боровинките и завиткајте во ролат.
Исечете на парчиња со дебелина по ваша желба.
Наредете ги во плех обложен со хартија за печење.
Печете на 200 степени, 25-30 минути, зависно од рерната.
Јас ги печев 25 минути.
Испечените полжавчиња оставете да се оладат, а потоа послужете ги посипани со шеќер во прав.