Лиснати ролнички со сланина и ајвар
Состојки
- 500 гр лиснато тесто
- 500 гр тенки лентички сланина
- 9 лажици ајвар
- 200 гр кашкавал
- 1 кафена лажичка оригано
Подготовка
Подготовка
Брзи и многу вкусни лиснати ролнички, кои се јадат во еден здив.
За овој рецепт ви е потребно 500 гр лиснато тесто, кое го оставаме да се одмрзне, и потоа од него сечеме долги ленти, од оваа грамажа мене ми излегоа 9 ленти.
Секоја лента малку ја развлекуваме со сукало, ја мачкаме со ајвар, ставаме лента сланина, од кашкавалот кој исто така е сечкан на ленти, па лентата ја виткаме во ролничка, ја ставаме во хартиено корпе, од тие за мафини што се, и ги печеме во стандарден калап за мафини. Постапката ја повторуваме и со останатите ленти. Откако ќе ги замотаме сите, од горе наросуваме по малку оригано и печеме во загреана рерна додека не поруменат.