Погача со сирење
Состојки
- тесто
- 1 кг. брашно
- 1 јајце
- 1 коцка свеж квасец
- 1 лажичка сол
- 200 мл. млако млеко
- 200 мл. млака вода
- 1 лажичка шеќер
- фил
- 250 гр. сирење (или изварка)
- 1 јајце за премачкување
- 100 гр. маргарин за премачкување пред печење
- 30 гр. сусам за посипување
Подготовка
Водата, млекото, квасецот и шеќерот се остваат да се активираат. Се додава брашното, јајцето, солта и се замесува средно меко тесто, кое се премачкува со масло и се остава да стаса околу половина час. Потоа се премесува и се почнува со сукање на корите. Се зема дел од тестото, се расукува кора на посипана со брашно површина и се става од сирењето или изварката. Се витка како ролат и се сечат парчиња големи 5 цм. Се редат вертикално во тава бр. 28, претходно премачкана со маргарин. Постапката со расукување на корите се повторува додека се потроши тестото. Се премачкува со јајце и со маргарин, се посипува со сусам, и се остава 10 мин. да одмори. Се пече околу 20 минути во загреана рерна на 200 степени. Од вака подготвеното тесто се добиваат две погачи.