Чоколадо со експандиран ориз (веган, сурово, посно)
Состојки
- 55 гр кокосов путер
- 40 гр какао путер
- 1 лажичка ванила екстракт
- 2 лажици рогач во прав
- 1 лажица какао
- прстофат сол
- 1 лажица мед или агаве
- 1/2 шоља експандиран ориз
Подготовка
Чоколадо кое омилено некому, со ориз, мераци....Еве еден скромен рецепт, следуваат и други...
Подготовка
Путерите стопете ги на ниска температура, па промешајте ги останатите состојки. Експандираниот ориз додадете го на крај. Промешајте, ставете го во силиконска тава и потоа во замрзнувач. Извадете го и сечете го веднаш пред послужување.
Забелешка
Ако немате силиконска тава за векни, ставете го во соодветен сад кој на дното ќе има најлонска фолија. Можете да го распоредите и во силиконски калапчиња.
Ако ставате ванилин шеќер, а не екстракт од ванила или ванила стапче, морате да го растопите заедно со путерите.
Морате пред служење да го извадите од замрзувач, затоа што структурата му е помека кога ќе се остави повеќе време на собна температура, а вака е таман за грицкање и заблажување особено во посни денови.
Експандиран ориз можете и малку повеќе од оваа доза да ставите, ќе си видите кога ќе ја направите смесата.