Испечати

Видео рецепт: Клуб сендвич на векот

Видео рецепт: Клуб сендвич на векот

Состојки

  • тост леб
  • малку сланина
  • 8 чешниња лук
  • маслиново масло
  • бибер, сол, кари, оригано
  • 3 лажици мајонез
  • малку компири
  • 1 шолја растопен путер или свинска маст
  • 1 марула
  • 100 гр. ајдамер
  • 200 гр. варена шунка
  • малку рукола
  • 1 домат

Фичо ќе приготви Клуб сендвич во негова верзија, ќе му додаде пржена сланина, мајонез со лук и компири.

Подготовка

Чекор 1: Грил тавата премачкајте ја со путер и ставете ја на оган да се загрее. Парчињата тост запечете ги од двете страни. Во тавата запржете ги парчињата сланина. Сланината ставете ја на хартиена салфета да се впијат маснотиите.

Чекор 2: Измешајте една лажичка лук со три лажици мајонез и оставете во фрижидер да се зацврсне.

Чекор 3: Компирите излупете ги и исецкајте ги на тенки парчиња. Ставете ги во сад во кој што ќе додадете бибер, сол, кари, оригано и путер (или свинска маст). Печете на 200 степени околу 20 минути./p>

Чекор 4: Првото лепче намачкајте го со мајонезот со лук, ставете варена шунка, марула и ајдамер. Намачкајте го и второто лепче и ставете го врз марулата. Наредете кругови домат, пржената сланина, ајдамер, рукола и на крај третото лепче намачкано со мајонезот со лук. Дополнете со печените компири и сендвичот е готов.

Чекор 5: Сервирајте!

СОВЕТ: Сендвичот можете да го комбинирате и со класични пржени компири.