Торта со мандарини
Состојки
- Пандишпан
- 3 јајца
- 90 гр шеќер
- 1 ванилин шеќер
- 50 гр путер
- 100 гр брашно
- 1 полно лажиче прашак за пециво
- изрендана кора од 2 мандарини
- Фил
- 600 гр излупени мандарини
- 8 полни лажици шеќер
- 1 пудинг од ванила
- 1 лажица нишестe (густин)
- За декорација
- 80 - 100 гр чоколада за готвење
- 3-4 лажици масло
Подготовка
Подготовка на пандишпанот
Путерот стопете го и оставете го да олади.
Јајцата изматете ги со шеќерот и ванилата да постанат светли и кремасти. Намалете ја брзината на миксерот и додајте го путерот, а потоа брашното измешано со пецивото и кората од мандарини.
Смесата истурете ја во тава за печење (26) намачкана со путер и посипана со брашно.
Ставете ја да се пече во загреана рерна на 180 степени околу 15-20 мин.
Печениот пандишпан оставете го да олади и додека лади подгответе го филот.
Подготовка на филот.
Мандарините исчистете ги од белите жилички и од семките. Со блендер изблендирајте ги да се добие кашеста смеса.
Во дел од смесата растворете го пудингот и нишестото со 4 лажици шеќер. Другиот дел од смесата со мандарини и шеќерот оставете ги да зовријат па додајте го пудингот. Варете го 2-3 минути да се згусти и прелијте го пандишпанот. Оставете го да олади.
Откако ќе олади и стегне филот на пареа стопете ја чоколадата со маслото и прелијте ја над филот.
Оставете и чоколадата да се стегне.
Најдобро е да си се послужите откако ќе постои неколку часа за да се спојат вкусовите.
Тортата е едноставна, лесна и многу вкусна.