Домашни плескавици за сендвичи
Состојки
- 600гр мелена телешка удина
- 400гр свински пафлак, мелен
- 1 главица сецкан кромид
- 1/2 лажиче буковец
- 1/2 лажиче сол
- 1/2 лажиче оригано
- 1/2 лажиче црн бибер
- 1/2 лажиче зачин
- 1 лажица брашно
- 50мл ладна вода
- 100гр сецкана димена сланина
- 80гр сецкан кашкавал
- 1 јајце
Подготовка
Денешниот ручек.
Вкусни, домашно подготвени плескавици, испечени на скара, надополнети со помфрит, краставичка, кромид, кајмак .....скриени во топла лепиња и чаша вино.
Пожелно е месото од вечер да биде замесено, за да се спојат вкусовите.
Телешкото и свинското месо се соединуваат, се додава брашното, јајцето, ситно сецканиот кромид, зачините.
Убаво се меси со рака и постепено при месењето се додаваат тие 50 мл вода.
Се додаваат исечканата сланина и кашкавал.
Се покрива садот и се оставаа во фрижидер.
Пред употреба се дели месото на 5-6 поголеми топки и со намрсени раце се формираат плескавиците.
се печат на скара ( овој пат беше електрична, за побрзо и солидно се испекоа).
На лепињата се става кругови краставица, црвен кромид, плескавицата, врз неа лажиче кајмак, помфрит... и толку.
На здравје овој убав ручек
Пожелно е свинското месо да биде помрсничко, може да се користи и месо од ребрата.