Царска тава
Состојки
- 1 кг. свинско месо
- 600-700 гр. мелено месо
- 500 гр. пилешки стек
- 500 гр. шампињони
- 1 главица кромид
- 1 чаша бело вино
- По потреба сол, мешан сув зачин, црн бибер, црвена пипер
Подготовка
1. Од меленото месо се прават мали ќофтенца, а пилешкото и свинското месо се сечат на мали коцки, исто така се сечкаат и печурките и кромидот. Со тоа подготовката на продуктите е готова.
2. Во тавче на оган најпрво се запржуваат ќофтенцата и се тргнуваат настрана, во истото тавче се запржуваат и свинското, а потоа и пилешкото месо, на крај во тавчето се пропржува кромидот на кој што му се додаваат печурките.
3. Трите вида месо заедно со кромидот се ставаат во тава за печење, се додава виното, зачините и вода колку да се прекрие месото.
4. Се печи на 230 степени додека се редуцира течноста.
Забелешка
Месото само за малку се пропржува во тавчето и покасно со печењето се доготвува.
Може да користите и некои други зачини по ваш вкус.
Добар апетит !