Видео рецепт: Кинеско пилешко со лимон
Состојки
- 300 - 500 гр. пилешки стек
- 1 јајце
- 1 лажичка бел бибер
- 1+1/2 лажичка сом
- 1/2 шолја густин
- 1/2 шолја брашно
- 2 чешниња лук
- малку ѓумбир
- кора од цел лимон
- масло за пржење
- 1/2 лажица лут буковец или 1 чили пиперче
- 1 лажица бело вино
- 1+1/2 лажица соја сос
- 5 лажици јаболков оцет
- 1+1/2 вода
- 3+1/2 лажици шеќер
Фичо ќе подготви еден од класичните кинески рецепти за зачинето похувано пилешко месо со цитрусен слатко-кисело-лут сос.
Подготовка
Чекор 1: Пилешкиот стек исецкајте го на парченца. Во сад промешајте ги јајцето, белиот бибер и солта додека да се соединат. Додадете го стекот и мешајте да се покрие убаво.
Чекор 2: На рингла ставете ја длабоката тава со рачки и додадете масло. Во друг сад ставете го густинот и брашното и убаво измешајте. Додадете го месото. Месото испржете го и тргнете го на страна.
Чекор 3: Исецкајте го лукчето, ѓумбирот и изрендајте ја кората од лимон. Вок тавата ставете ја на оган со лажица масло и додадете ги сецканите лукче, ѓумбир, буковец и бело вино. Потоа додадете го соја сосот, оцетот, водата, шеќерот и на крај кората од лимон. На крај додадете го месото, промешајте и додадете лажица густин.
Чекор 4: Сервирајте со младо лукче или кромидче.
СОВЕТ: Доколку сакате овој рецепт можете да го приготвите со портокал, наместо со лимон.