Чорба од морков и ќофте
Состојки
- 300гр мелено мешано месо
- 1 главица кромид
- 1 јајце
- 1 лажица мелени семки од тиква
- 1 лажица мелено ленено семе
- 1 лажица зачин
- 1/2 лажичка црн бибер
- 500гр морков
- 1 лажица сув целер
- 1 лажица брашно
- 1 лажица сусам
Подготовка
Се замесува смеса од меленото месо, ренданиот кромид, јајцето, сусамот, семките, биберот и зачинот и се остава да одстои 30минути. Во тава на загреан зејтин се пржат ќофтенца.
Во друг сад се загрева вода и се ставаат морковите исечени на тркалца да се варат. Одкако ќе се сварат морковите во тавата каде што се пржеле ќофтенцата на малку маснотија се запржува брашно и се додава во чорбата. Полека се спуштаат ќофтенцата и чорбата треба да врие 10 минути.Се додава и сушениот целер и се трга настрана. Се служи со павлака.
Ова може да послужи како предлог да се искористат семињата и во чорбести оброци.