Чоколадни топчиња со ѓумбир
Состојки
- 200 мл. слатка павлака
- 200 гр. чоколадо за готвење со повисок процент какао
- 1 полна лажица ѓумбир
- 250 гр. какао бисквити
- 10 мл. арома од чоколадо
Подготовка
За првпат ги правам топчињава и морам да признаам дека се превкусни. Чоколадото се чувствува „од километар“.
Брзи и лесни за подготовка, а вкусни за јадење.
Во тенџерче на оган ставете ја слатката павлака да зоврие. Тргнето го тенџерчето на страна и додадете го чоколадото. Мешајте додека не се растопи потполно.
Додадете го ѓумбирот, промешајте и оставете го на страна околу 20тина минути.
Во меѓувреме сомелете ги бисквитите, но оставете 3-4 на страна (за декорација).
Врз бисквитите посипете ја аромата од чоколадото и оставете малку да „попримат“.
Потоа истурете ги бисквитите во чоколадото и ставете ја целата смеса 5 до 10 минути во фрижидер, да се стврдне.
Формирајте топчиња и украсете ги по избор.
Јас бисквитите ги сомлев и им додадов 2 лажички какао, а останатите ги валкав во чоколадни трошки.
Излегоа 24 поголеми топчиња.
Само не ја заборавајте смесата во фрижидер, бидејќи многу брзо се стврднува. Во тој случај додадете малку млеко.
Пријатен апетит.