Колач Јужна убавина
Состојки
- Тесто
- 5 јајца
- 180 гр шеќер
- 325 гр брашно
- 125 гр путер
- 100 гр чоколадо
- 2 пакетчиња ванилин шеќер
- 1 пакетче пециво
- 0.5 лажичка црвена лута мелена пиперка
- Шербет
- 500 гр шеќер
- 500 мл вода
- 1 портокал
- Какао прелив
- 125гр путер
- 200 мл вода
- 100 мл млеко
- 5 лажици шеќер
- 2 лажици густин
- 4 лажици какао
Подготовка
Во оваа рецепта веднаш се вљубив. Нежен и вкусен колач со чоколадо и малку лутенка кој се топи во устата. Колачот е прелиен со шербет од портокали и покриен со какао прелив и го прави колачот невообичаен и перфектен по вкус!)
1. Тесто. Путерот, шеќерот, ванилинот ги матиме со миксер додека не се соединат. Ги додаваме јајцата и повторно матиме. Во смесата ги додаваме брашното, пецивото, пиперката и крупно изренданото чоколадо и матиме со миксерот додека смесата не се соедини. Ја нанесуваме во тркалезна тава бр. 26 претходно намачкана со масло и набрашнета. Печеме 30 - 40 минути на 200 степени.
2. Шербет. Водата со шеќерот се зоврива и се додава сокот од портокал. Со зовриениот врел шербет го преливаме изладениот пандишпан. Оставаме да го впие шербетот и да се излади.
3. Прелив. Сите состојките за какао преливот ги промешуваме со жица и ставаме да се зоврие. Откако преливот ќе ја добие потребната густина го нанесуваме врз колачот во тавата. Оставаме да се излади и да се стегне.
Колачот може да се посипува одозгора со цимет или со ситно изрендано чоколадо.