Комбинирана торта

Подготовка

Кафеав пандишпан

Изматете ги пенесто јајцата и шеќерот.
Додајте ги брашното измешано со пецивото и какаото и на крај сецканиите ореви.
Со жица убаво изматете.

Изматената смеса печете ја на двапати(или одеднаш. па откако убаво ќе се олади пресечете го на половина)
Печете на 180 степени, 15-20 минути.

Жолт пандишпан

Пенесто изматете ги јајцата и шеќерот.
Додајте го маслото, брашното измешано со пецивото и убаво со жица изматете.
Печете во истиот плех во кој се печел кафеавиот пандишпан, на 180 степени, 15-20 минути.

Кафеав фил

Мелените ореви попарете ги со топлото млеко.
Посебно изматете го путерот со шеќерот во прав.
Додајте ги попарените ореви и претходно растопеното и изладено чоколадо.
Со миксер на најмала брзина изедначете ги смесите.

Жолт фил

Во сад растворете го прашокот за пудинг, густинот, 2 лажици шеќер со малку од млекото.
Останатото млеко со ванилата ставете да се загрее до зовривање.
Додајте ги растворените густин и пудинг и жолчките и мешајте со жица додека кремот се згусти.
Во толпиот крем додајте го белото чоколадо, измешајте и оставете да се олади.

Настрана изматете го путерот со шеќерот во прав.
Додајте го оладениот крем и со миксер соединете ги убаво.

На подлога за торта ставете еден кафеав пандишпан.
Нанесете од кафеавиот фил, потоа ставете го жолтиот пандишпан.
Одозгора ставете го жолтиот фил.
Поклопете со кафеав пандишпан и целата торта премачкајте ја со преостанатиот кафеав фил.
Одозгора тортата посипете ја со ливчињата бело чоколадо.

Пред служење ставете ја малку да отстои во фрижидер.