Видео рецепт: Пиварки со суво овошје и рум
Состојки
- За ПОЛНЕЊЕТО ќе ви треба:
- 100 гр. суви смокви
- 100 гр. суви урми
- 50 гр. суво грозје
- 2 дози рум
- 2 лажици мармалад
- 2 лажици мелени ореви
- За ТЕСТО ќе ви треба:
- 250 мл. пиво
- 250 мл. масло
- 125 гр. гриз
- 620 гр. брашно
- 1 прашок за пециво
- За ШЕРБЕТ ќе ви треба:
- 750 мл. вода
- 900 гр. шеќер
- малку арома ванила
- За ВАЛКАЊЕ ќе ви треба:
- 300 гр. мелени ореви
Фичо ќе подготви еден од најпопуларните рецепти на Маја, колачиња пиварки, полнети со суво овошје.
Подготовка
Чекор 1: Сувото овошје исецкајте го, потопете го во рум и оставете го да впие убаво од румот. Потоа додадете го мармаладот и мелените ореви.
Чекор 2: Во сад измешајте ги состојките за тестото. Постепено додавајте го брашното и замесете убаво тесто. Од тестото вадете мали топчиња и со оклајгија расукајте ги. Полнете ги со филот, затворете ги и редете ги во ростерот за печење.
Чекор 3: Печете на 200 степени додека не заруменат колачите.
Чекор 4: Додека се печат колачињата пригответе го шербетот. Во лонец ставете ги шеќерот и водата да провријат. Оставете да проврие 5 минути и додадете ја аромата.
Чекор 5: Колачите прелејте ги со шербетот и превртувајте ги убаво да го впијат шербетот во следните 2-3 часа.
Чекор 6: Валкајте ги колачињата во мелените ореви. Сервирајте!
СОВЕТ: Ако немате ореви за валкање, може да користите и кокос.