Шарен колач

Подготовка

Одличен шарен колач, со преубави, меки, сочни теста.
Јас користев гриз од чоколадо, а може да се користи бел гриз и бело чоколадо во филот. Мислам дека може да се додаде и арома по вкус, рум, ванила,.....

Сите три теста се печат во мала ростер тава.
Прво се подготвува филот.
Во касерола се налева 700 мл млеко и шеќерот и се загрева на умерен оган.
Во преостанатото млеко се додава гризот и се промешува.
Кога млекото ќе почне да врие се додава гризот и се меша до згуснување.
Додека е топло се додаваат чоколадото и оревите и се меша.
Се остав да се лади и повремено се промешува за да не фати кора филот.
Кога е изладено се додава изматениот путер, една по една лажица и убаво се соединува.
Сега се прават тестата.
Во вангличка се става едно јајце, се додава шеќер и се мати убаво со миксер.
Постепено се додава јогуртот, брашното, пецивото, афионот.
Убаво со шпатула се промешува и се истура смесата во мала ростер тава.
Се печи од 12-15 минути на 190 степени.
Исто се постапува со 2 и 3 тесто.
Во второто тесто оди мелен орев, а во третото оди какао и 175 мл јогурт, како што е наведено во состојките.
Тестата нека се оладат.
На даска за колачи се става првото тесто со афион.
Врз него се нанесува една третина од филот.
Убаво се израмнува и се нанесува второто тесто со орев.
Повторно се премачкува со 1/3 од филот.
Се става кафеното тесто и се премачкува со остатокот од фил.
Се посипува со мелени ореви.
Се остава 2 часа на ладно да се спојат вкусовите и се сече на штангли.