Видео рецепт: Пита со праз и урда – Бељуш
Состојки
- За ТЕСТО ќе ви треба:
- 600 гр. брашно
- 1 лажиче сол
- 1/2 лажиче шеќер
- 2 лажици масло
- 20 гр. свеж квасец
- 350 мл. млака вода
- За ФИЛ ќе ви треба:
- 2 страка праз
- 2 лажици зејтин
- 300 гр. урда
- 1 лажиче сол
- малку бибер
- 3 лажици кисело млеко
- 1 лажица гриз
- 1/2 лажица брашно
- 2 јајца
Фичо, заедно со неговата гостинка Катерина, готвач член на нашата веб-страница, ќе подготват еден од нејзините најпопуларни рецепти, Бељуш.
Подготовка
Чекор 1: Квасецот растворете го во малку млака вода со шеќер и малку брашно за побрзо да развие.
Чекор 2: Замесете го тестото и оставете го да стаса. Празот ситно исечкајте го и пропржете го на масло. Во празот додадете ја урдата и останатите состојки и убаво промешајте.
Чекор 3: Од тестото направете 4 топчиња. Три од топчињата расукајте ги во големина на тавата. Тавата намастете ја со путер за подобар вкус. Ставете ја првата кора, нанесете го филот, ставете ја втората кора, повторно нанесете од филот и поклопете со третата кора. Од четвртото топче формирајте долги ремени, исплетете ги и наместете ги на краевите на тавата.
Чекор 4: Оставете ја питата да стаса 10 минути и печете на 200 степени 30 минути.
Чекор 5: Сервирајте!
СОВЕТ: Пред да ја сечете питата, почекајте да се излади, за да може да сечете правилни парчиња.