Неделен овошен колач
Состојки
- околу 12-130 гр. бискоти
- 50 гр. маргарин, путер, маслац
- по 2 поголеми јаболки и круши
- 1 помала дуња
- 2-3 лажици шеќер
- 1 лажичка цимет
- 1/3 чаша крупно сецкани ореви
- За тестото
- 4 јајца
- 1 чаша шеќер
- 1,1/2 чаша брашно (200 гр.)
- 1 лажичка пециво
- 1 ванила
Подготовка
Нека е поразличен од вообичаено приготвениот. Значи промената овде е што за основа се земаат бискотите.
- Чашата е од 200 мл.-
- Зависно што ќе изберете, путер или маргарин растопете во тавче со размер 27х17 см. Нека малку олади и наредете по дното еден ред бискоти.
- Излупете јаболката, крушите, насецкајте ги било на тенки резанки или коцки, а дуњата излупена изрендајте на едрата страна од рендето. Измешајте со шеќер и цимет, наредете врз бискотите. Посипете со оревите.
- Изматете ги јајцата со шеќерот и ванилата, додајте брашното во кое сте го измешале пецивото- измешајте и оваа добиена смеса излијте над оревите.
- Ставете да се пече во претходно загреана рерна на 180 степени. Готова е кога е убаво заруменета или пробајте со чепкалка (заборавив да внимавам на времето)
- Извадете и оставете добро да се олади бидејки тогаш убаво се сече.
Убав ден за вас посакувам!