Интегрални овошни мафини
Состојки
- За 12 мафини
- 2 јајца
- 3 лажици мед
- 120 мл млеко
- 70 мл масло
- 50 гр кафеав шеќер
- прстофат сол
- 210 гр интегрално пченично брашно
- 70 гр овесни снегулки
- 1 лажичка прашак за пециво
- 1/4 лажичка сода бикарбона
- 200 гр исецкано овошје
- За посип
- 15 гр овесни снегулки
- 1 лажица кафеав шеќер
Подготовка
Многу меки, сочни и здрави мафини. Кај мене спремени со праски, но може да ги подготвите со било кое овошје по ваш избор.
Во еден сад измешајте ги сите „суви“ состојки - интегралното брашно, овесните снегулки, прашокот за пециво и содата.
Во друг сад со миксер изматете ги јајцата, медот, шеќерот и солта, па додадете го млекото и маслото. Потоа додадете ги „сувите состојки“ и убаво измешајте со миксер.
На крај додадете го исечканото овошје и промешајте со лажица.
Во калапот за мафини ставете хартиени корпички и распоредете ја смесата.
Измешајте ги останатите овесни снегулки со шеќерот и посипете по малку врз секој мафин.
Печете во загреана рерна на 180 степени, околу 25-30 минути (проверете со чепкалка).
Пријатен апетит!