Мешана салата без масло (зимница)
Состојки
- 1кгр свежа зелка
- 1 кгр морков
- 1 кгр карфиол
- 1кгр жолта пиперка ( банана) за туршија
- 1кгр краставички
- 1 кгр зелени домати
- раствор за преливање
- 3 литри вода
- 800мл оцет 9%
- 200гр морска сол
- 200гр шеќер
- 10-15 зрна бибер
- на врвот на ножот конзерванс
- коријандер и ловоров лист по вкус
Подготовка
Целиот зеленчук се мие убаво под млаз вода. Треба да биде здрав и без црни дамки.
Се сечат убави парчиња од морковот, краставичките.
Зелката се дроби, а карфиолот се дели на помали цветови.
Се сецкаат пиперките и доматите.
Се полнат чисти тегли и со раката се нагмечуваат.
На оган се ставаат да провријаат водата, оцетот, шеќерот, солта, зрната бибер.
Кога е зовриено се трга од оган се додава многу малку конзерванс, на врвот на ножот и со врелата течност се полнат теглите и се затвораат.