Видео рецепт: Чоколаден ориз - Чампорадо
Состојки
- 5 шолји вода
- 1 + 1/2 шолја ориз
- 1 лажичка какао
- 100 гр. темно чоколадо
- 50 гр. млечно чоколадо
- 3/4 шолја светол мусковадо шеќер
- малку сол
- малку цимет
- малку мускатно оревче
- 250 мл. млеко
- крем павлака за декорација
Фичо ќе ни покаже рецепт за чоколаден ориз, десерт кој води потекло од Мексико.
Подготовка
Чекор 1: Во сад на рингла додадете ја водата да зоврие. Додадете го оризот и постојано мешајте да не се залепи и да не загори.
Чекор 2: Кога смесата ќе стане кашеста додадете го какаото, двете чоколади, шеќерот, солта, циметот и мускатното оревче. Доколку сакате поблаго, додадете уште шеќер. Намалете ја јачината на ринглата и мешајте додека не добиете единечна смеса. Кога водата ќе испари, додадете го млекото.
Чекор 3: За декорација изматете крем павлака.
Чекор 4: Сервирајте!
СОВЕТ: Овој рецепт можете да го јадете и топол во зима, и добро изладен во лето.