Видео рецепт: Вулкан пециво
Состојки
- За ТЕСТО ќе ви треба:
- 600 гр. брашно
- 300 мл. млака вода
- 1 сув квасец (7 грама)
- 2 лажички шеќер
- 2 рамни лажички сол
- 60 гр. путер
- За ПОЛНЕЊЕ ќе ви треба:
- 10 круга кулен
- 10 листа кашкавал едамер, ементалер или сл.
- 10 листа шунка
- За ВАРЕЊЕ ќе ви треба:
- 1 л. вода
- 40 гр. сода бикарбона
- Ќе ви треба и:
- сусам за посипување
Денес ќе готвиме заедно со Валентина, готвач член на нашата веб-страница. Таа ќе подготви еден од нејзините најпопуларни рецепти, Вулкан пециво.
Пециво полнето со кашкавал и кулен, отворено од горната страна, па при печење добива изглед на вулкан.
Подготовка
Чекор 1: Во сад ставете 400 грама брашно, сол, шеќер, постепено додавајте вода и мешајте. Додадете го путерот и постепено додавајте го преостанатото брашно додека да добиете мазно тесто кое се одвојува од ѕидовите на садот. Оставете го да одмори половина час.
Чекор 2: Рерната вклучете ја на 200 степени.
Чекор 3: Тестото поделете го на 10 топчиња. Секое топче расукајте го во правоаголна или квадратна форма. Ставете по едно парче кулен, кашкавал, шунка, преклопете ги од секоја страна како плик и замотајте ги во ролат. Убаво залепете ги спојките.
Чекор 4: Ставете ја водата да врие. Откако ќе зоврие тргнете ја на страна и додадете сода бикарбона. Вратете ја касеролата на оган и секоја ролничка спуштете ја во водата по 30 секунди. Вадете ги со лажица решетка и ставете ги во тавата за печење.
Чекор 5: Со нож засечете ги длабоко, сечејќи го и полнежот. Наросете ги со сусам и печете ги 15 минути. Полнењето треба да почне да врие како вулкан.
Сервирајте додека се топли!
СОВЕТ: Можете да ги печете и без да ги варите, но поубави се кога се сварени и печени.