Видео рецепт: Фламбирани палачинки
![Видео рецепт: Фламбирани палачинки](https://moirecepti.mk/content/uploads/2015/09/flambirani-palacinki-efdb68-300x300.jpg)
Состојки
- За ПАЛАЧИНКИ ќе ви треба:
- 120 гр. брашно
- малку сол
- 1 јајце
- 280 мл. млеко
- 1 лажица масло
- Дополнително ќе ви треба:
- нутела крем
- За ФЛАМБИРАЊЕ ќе ви треба:
- малку шеќер
- 40 гр. путер
- 1 портокал
- коњак (или ликер Гран Марние)
Фичо ќе прави палачинки во сос од портокал и путер, фламбирани со коњак. Одличен десерт, дури и без оганот!
Подготовка
Чекор 1: Сите состојки за палачинки измешајте додека не добиете хомогена смеса. Направете неколку палачинки, премачкајте ги со тенок слој Нутела, завиткајте ги како триаголници и тргнете ги на страна.
Чекор 2: Во тавата ставете шеќер колку да го покриете дното. Почекајте го да се стопи и додадете го путерот. Потоа додадете сок од портокал и оставете да проврие. Срцевината на портокалот исечкајте ја на резанки и додадете ја во сосот.
Чекор 3: На крај додадете го ликерот или коњакот и оставете ги палачинките да се фламбираат.
Чекор 4: Сервирајте!
СОВЕТ: Палачинките подготвени само со сосот од портокал и путер се многу вкусни, а делот со коњакот и фламбирањето е по желба. Сепак доколку сакате да пробате фламбирани палачинки, ќе мора да го направите и овој чекор.