Здрави солени крекери
Состојки
- 100 г овесни снегулки
- 100 г пченкарно брашно
- 75 г семки од тиква
- 50 г сончоглед
- 50 г ленено семе
- 2 лажици масло
- 250 мл вода
- Прстофат сол
Подготовка
Сувите состојки се мешаат во сад, се додава маслото и се меша убаво.
Водата се вари и се истура врела во садот. Се меша со лажица убаво.
Се става мрсна хартија на плех и се истура смесата на плехот. Се става друга мрсна хартија и се притиска со раце да дојде голема како плехот. Се вади хартијата и се поросува со сол и зачин по вкус. Се печи во загреана рерна на 160 степени од прилика 1 час. Здрави и превкусни!!!!