Пица-чиз мафини
Состојки
- 3 јајца
- 200 мл јогурт
- 100 мл масло
- 1 лажиче сол
- 1 пак. прашок за пециво
- 100 гр бело сирење
- 50 гр жолто сирење (можи рендан пармезан во замена)
- 50 гр паризер
- 200 гр брашно
- 20 гр нишесте
- 1/2 лажиче оригано
- За посипување - лен, сусам, сончоглед, семки од тиква
Подготовка
Убаво изматете ги јајцата со миксер. Намалете на најмалата брзина и додадете ги најпрво јогуртот и маслото, потоа пецивото, брашното и нишестето. На крај додедете го изренданиот паризер и сирењата дробени, сецкани или рендани. Додадете го и ориганото и се убаво измешајте.
Од смесата полнете калапи за мафини, посипете ги со семињата и печете на 180С околу 20 мин. или малку повеќе зависно од рерната.