Печени американски крофни - донатс
Состојки
- 500 гр брашно
- 1/2 пак. (5 гр) прашок за пециво
- 1 пак. (7-10 гр) сув квасец
- 100 гр шеќер
- 1 лажиче сол
- малку цимет
- 2 јајца
- 250 гр рикота сирење
- 50 гр маслац
- 1 лажичка рендана кора од лимон
- 100 мл топло млеко
- 40 гр путер за премачкување
Подготовка
Измешајте ги сувите состојки.
Додајте ги разматените јајца, испасираната рикота, истопениот путер, кората од лимон и млекото. Измесете се заедно во меко тесто.
Префрлете го тестото на побрашнета работна површина и премесете го убаво и глатко.
Потоа, развлечете го во дебелина од 1 до 1,5 см и исечете со кружен калап кругови. Секој круг во средината исечете го со помал кружен калап.
Исечените крофни наредете ги во плех обложен со пек-хартија. Покријте ги со кујнска крпа и оставете ги така да одмараат 30на минути.
Потоа премачкајте ги со стопениот путер и печете ги во загреана рерна на 180С околу 20ина минути, додека благо не поруменат.
Кога ќе изладат украсете ги со стопено бело, црно чоколадо, шеќерна глазура и посипете ги со шеќерни трошки или слични украси.