Турлитава со ќофте и бело месо
Состојки
- 500 гр мелено месо
- буковец, мешан сув зачин, сол, кромид во гранули по вкус
- 300 гр пилешки гради
- мешан сув зачин, сол и бибер по вкус
- 3-4 компира
- 200 гр боранија
- 1 мала конзерва грашок
- 2-3 моркова
- 1-2 кромида
- малку свеж магдонос
- зачини по вкус, бибер, сол, мешан сув зачин, црвен пипер
Подготовка
Турли тава на начин на кој ја прави мојата мајка.
Подготовка
1. Меленото месо го мешаме со зачините, правиме ќофтиња и ги пржиме во масло.
2. Белото месо го сечкаме на мали парчиња и го пржиме на масло, го зачинуваме.
3. Морковот и кромидот ги сечкаме на ситни коцки и ги пропржуваме на малку масло. Ја ставаме боранијата со малку вода да се динста, да омекне. Потоа ги ставаме компирите сечкани на коцки и оризот. Налеваме една шоља вода и динстаме додека да испари водата. На крајот ги додаваме грашокот, сечканиот магдонос и зачините. Залеваме пак со шоља вода и динстаме додека да подиспари водата.
4. Сите состојки ги ставаме во голема тава, па ги редиме ќофтињата и парчињата пржено месо. Залеваме со вода пак околу една до две чаши, ја поклопуваме тавата со капак и ја ставаме во рерна да се подпече. При крајот го тргаме капакот за да фати коричка, да добие боја, односно да се запече одозгора ручекот.